होमपेज / राजनीति

तरुण दल बनगाडका सभापती बस्नेत कारबाहिमा, आर्थिक प्रलोभनमा नेकपा प्रवेश गरेको पुष्टि

  नबिन पौडेल २०७७ माघ १३ गते मंगलबार १२:३२:३५   ८४५० पटक हेरिएको

१३ माघ, सल्यान :
सल्यानको बनगाड कुपिन्डे नगरपालिकाका नेपाल तरुण दलका नगर सभापतिलाई कारबाही गरिएको छ। केहिदिन अगाडि तरुण दलका नगर सभापती बिजय बस्नेत नेकपामा प्रवेश गरेपछी नेपाल तरुण दल सल्यानले साधारण सदस्य समेत नरहने गरि उनलाई कार्बाही गरेको हो।

तरुण दल सल्यानका अध्यक्ष सन्तोष केसिले मंगलबार एक प्रेस बिज्ञप्ति जारी गर्दै नेपाल तरुन दलको मर्यादा र गरिमालाई सम्मान गर्न नसकेको प्रती खेद प्रकट गर्दै कारबाहि गरिएको बताएका छ्न। बस्नेतलाई कारबाही गरिएपछी अर्को निर्णय नहुदासम्म संगठनको सम्पुर्ण जिम्मेवारी उपाध्यक्ष शंकर बुढाथोकीलाई दिइएको अध्यक्ष केसिले बताए।

आर्थिक तथा राजनैतिक प्रलोभनमा परि आफ्नो पदिय मर्यादा, गरिमा र जिम्मेवारीबाट पन्छिदै गर्दा देखिएको अराजनैतिक आत्मरती प्राप्त गर्नको लागि सत्ता, शक्ति र साधनलाई दुरुपयोग गर्ने नेतृत्वप्रति खेद प्रकट गर्दै जिल्लाका सम्पुर्ण स्थानीय सरकारहरुलाई सत्ता र शक्तीको दुरुपयोग नगर्नहुन बिज्ञप्त्ति मार्फत आग्रह गरिएको छ।
जागिरको प्रलोभनमा बस्नेतले नेकपा प्रबेश गरेेेको पुष्टि
तरुण दलका नगर अध्यक्ष बस्नेतले माघ १० गते नेपाल तरुण दल परित्याग गरी नेकपामा प्रवेश गरे। बस्नेतलाई बनगाड कुपिन्डे नगरपालिकाका प्रमुख गोबिन्द पुनले पार्टी प्रवेश गराए।

जसमा सत्ता र शक्तिको प्रलोभनमा परेर बस्नेतले पार्टी परित्याग गरेको बनगाड कांग्रेसका नेताहरु बताउछ्न ।सत्ता र शक्तीको दुरुपयोग गर्दै नगर प्रमुख र नेकपा नेपाली कांग्रेस सङ खनिएको नेताहरुको भनाई छ।

तरुण दल वनगाडका अध्यक्ष बिजय वस्नेतले नेकपा ओली समूहमा प्रवेश गरे पछि वनगाड कुपिण्डे नगरपालिकाको नेतृत्व र नगर अध्यक्ष बस्नेत प्रति विभिन्न टिप्पणीहरु आए। अध्यक्ष बस्नेतलाइ वनगाड कुपिण्डे सरकारले करार जागिरीको प्रलोभन देखाएर पार्टी प्रवेश गराएको स्प्ष्ट देखियो।

वनगाड कुपिण्डे नगरपालिकाका प्रमुख गोविन्द पुन नेकपा सल्यानका अध्यक्ष हुन र पार्टी विभाजन पछि उनी ओली समूहमा रहेका छन्। माघ १२ गतेको नगरपालिकाले प्रकाशित गरेको विभिन्न पदको नतिजा प्रकासन गर्यो र तरुन अध्यक्ष बस्नेतको अहेबमा नाम निस्कियो।

यो घटनाक्रमलाई जोडेर हेर्दा योजनागत रुपमा यी प्रक्रिया र घटनाक्रम भएको स्पष्ट हुन्छ । यस अघि २०७७ मंसीर ३० गते हुने भनिएका परीक्षा स्थगित भएर पुन प्रकाशित सूचना अनुसार माघ ११ गते परीक्षा सन्चालन हुनु र माघ १० गते विजय बस्नेतले नेकपा ओली समूहमा प्रवेश गर्नु र माघ १२ गते बस्नेतलाई सफल घोषणा गरी नतिजा प्रकाशन हुनुले सबै कुरालाई पुष्टि गरेको छ । तरुणदलका नगर अध्यक्ष बस्नेतलाई प्रलोभनमा पारेर पार्टी प्रवेश गराईएको त्यो तीन दिनको घटनाक्रमले स्पष्ट पारेको छ ।

प्रतिक्रिया

सम्बन्धित खवर

Top