होमपेज / राजनीति

कर्णालीका मुख्यमन्त्री शाही बिरुद्ध नेकपाका सांंसदहरुबाटै अविश्वासको प्रस्ताव दर्ता

  नबिन पौडेल २०७७ आश्विन २५ गते आइतबार १४:४२:४७   ३१२० पटक हेरिएको

२५ असोज, सुर्खेत :
कर्णाली प्रदेशका मुख्यमन्त्री महेन्द्रबहादुर शाही विरुद्ध नेकपाकै सांसदहरुले अविश्वासको प्रस्ताव दर्ता गरेका छन्। प्रदेशका १८ सांसदले उक्त प्रस्तावमा हस्ताक्षर गर्दै नेकपा संसदीय दलका प्रमुख सचेतक गुलावजंग शाहलाई प्रस्ताव बुझाएका हुन्।

महेन्द्र बहादुर शाही संसदीयदलको नेतामा निर्वाचित भएपछि संसदीय दल एवं सरकारका कामकारवाही प्रभावकारी नभएको उनीहरुले आरोप लगाएका छन्। संसदीय दलको विधान २०७५ को नियम २ (१) बमोजिम उनीहरुले अविश्वासको प्रस्ताव दर्ता गरेका हुन्।

सोहि नियम २४ को (१,२,३,४) बमोजिम यथासक्य बैठक आयोजना गरी मार्ग प्रशस्त गर्न र प्रस्तावलाई नियम बमोजिम निर्णय गर्न गराउन उनीहरुले आग्रह गरेका छन्। प्रस्ताव दर्ता गराउनेमा पूर्वमन्त्री यमलाल कँडेल, प्रदेश सभाकी उपसभामुख पुष्पा घर्तीमगर लगायत छन्।

प्रस्ताव दर्ता गर्नेमा ३ जना पूर्व माओवादी सांसद छन् भने अन्य पूर्व एमाले हुन्। कर्णालीमा नेकपाका सांसद ३३ जना छन्।

प्रतिक्रिया

सम्बन्धित खवर

Top