होमपेज / साहित्य/कला

भारतिय अभिनेता सन्जय दत्त लोकसभा चुनाव लड्ने चर्चा।

तिखो खबर २०७५ चैत्र ३ गते आइतबार १०:३०:२४ मा प्रकाशित     १९१ पटक हेरिएको

नयाँदिल्ली– राजनीतिक घरनासँग जोडिएका अभिनेता सञ्जय दत्त लोकसभा चुनाव लड्ने चर्चा चलेको छ । ५९ वर्षिय सञ्जय आउने निर्वाचनमा चुनाव लड्न सक्ने बताइएको छ ।

मिडिया रिर्पोटका अनुसार सञ्जयले उत्तर प्रदेशको गाजियाबाद विधान सभामा चुनाव लड्न सक्छन् । तर यो पुष्टि भने भइसकेको छैन । आजतकका अनुसार उनीलाई एसपी वा बीएसपी जुनकुनै पार्टीले पनि पार्टीमा सहभागी बनाउने सम्भावना रहेको छ ।

यसअघि २०१३ मा फिल्म सुटिङका क्रममा सञ्जयले राजनीतिक दुनियाँ विल्कुलै फरक रहेको प्रतिक्रिया दिएका थिए । सञ्जय त्यो भन्दा पहिले समाजवादी पार्टीमा आवद्ध थिए ।

सञ्जयका पिता सुनील कांग्रेस सांसद हुनुका साथै खेलमन्त्री पनि बनेका थिए भने उनकी दिदि प्रिया दत्त लोकसभा सांसद भइसकेकी छिन् । उनलाई कांग्रेसले नै टिकट दिएको थियो । आमा नगरिस पनि १९८० मा राज्यसभाका लागि चुनिएकि थिइन् ।

सञ्जयले पनि २००९ मा समाजवादी पार्टीबाट लोकसभा चुनावका लागि लड्ने फैसला गरेका थिए । तर, मुम्बइ बम धमाकामा नाम जोडिएपछि उनलाई सर्वोच्च अदालतले चुनाव लड्न रोक लगाएको थियो ।

प्रतिक्रिया

सम्बन्धित खवर

सिफारिस
Top